სახელმწიფო დაცვის სპეციალურმა სამსახურმა ე.წ. „ფოტოგრაფების საქმეზე" გრიფის მოხსნასთან დაკავშირებით განცხადება გაავრცელა. ანზორ ჩუბინიძის სამსახურმა „ფოტოგრაფების საქმეზე" გრიფის მოხსნა მიზანშეწონილად არ მიიჩნია, თუმცა მზად არიან, ეს საქმე კვლავ განიხილონ.

აღნიშნულ საქმესთან დაკავშირებით პროკურატურის თანამშრომლებთან სამუშაო შეხვედრის ფორმატში გაირკვა, რომ მათ მიერ წარმოდგენილი დოკუმენტაციისთვის მინიჭებული საიდუმლოების გრიფი არ წარმოადგენს გამოძიების მიმდინარეობის ხელისშეშლელ ფაქტორს. „აღნიშნულიდან გამომდინარე, სამსახურმა შესაბამისი დოკუმენტებისთვის საიდუმლოების გრიფის მოხსნა მიზანშეწონილად არ მიიჩნია", - ნათქვამია განცხადებაში.

ფოტორეპორტიორებმა საქმეზე გრიფის მოხსნა კიდევ ერთხელ მოითხოვეს.