იტალიის ხელისუფლებამ ქარიშხალ „კლეოპატრას" გამო ქვეყანაში საგანგებო მდგომარეობა გამოაცხდა.
ბოლო მონაცემებით, ჩრდილო-აღმოსავლეთ იტალიაში სტიქიის შედეგად დაღუპულია 18 ადამიანი. დაზარალდა 20 ათასი ადამიანი. საცხოვრებელი სახლის გარეშე დარჩა დაახლოებით 3 ათასი ოჯახი სარდინიის კუნძლზე. კუნძული რამდენიმე საათის განმავლობაში ნახევარი წლის ოდენობის ნალექმა მოიცვა. გზები გადაკეტილია.
ამ დროისთვის სტიქიის ზონაში გრძელდება დაკარგულთა სამაშველო-სამძებრო ოპერაცია, რომელშიც მონაწილეობს როგორც საზღვაო ძალები ძაღლებთან ერთად, ისე სახმელეთო ძალები. პრემიერმინისტრის, ენრიკო ლეტას ბრძანებით, ბუნებივი კატასტროფისგან მიყენებული ზარალის აღსადგენად ადგილობრივი ბიუჯეტიდან 27 მილიონი დოლარი გამოიყო. სამაშველო ოპერაციებს იტალიაში ამ დროისთვის მხოლოდ ადგილობრივი ძალები ასრულებენ.
