მოსკოვში სამკერვალო საამქორში გაჩენილი ხანძრის შედეგად გარდაცვლილთა რიცხვი 12-მდე გაიზარდა. გარდაცვლილებს შორის ერთ-ერთი წლამდე ასაკის ბავშვია. მიმდინარეობს კიდევ ერთი პირის სამძებრო სამუშაოები. თავდაპირველად გავრცელდა ცნობა 9 გარდაცვლილის შესახებ, თუმცა ცეცხლის ჩაქრობის შემდეგ მაშველებმა ნანგრვებეში კიდევ 3 ცხედარი აღმოაჩინეს. გავრცელებული ცნობით, საამქროში მიგრანტები ცხოვრობდნენ.

შენობას ცეცხლი საღამოს გაუჩნდა. ცეცხლი მაშინვე მოედო მთელს ტერიტორიას და 3 ათას კვადრატულ მეტრზე გავრცელდა. ხანძრის შედეგად შენობის სახურავი მთლიანად ჩამოინგრა.

6-მა პირმა შენობიდან თავის დაღწევა შეძლო.  ხანძრის გამომწვევი მიზეზი ჯერჯერობით უცნობია, თუმცა არ გამოირიცხება, მისი განზრახ გაჩენის ვერსიაც.