საარჩევნო სიებთან დაკავშირებით კავკასიის საკითხებში ექსპერტი მამუკა არეშიძე „კვირის ქრონიკასთან" ინტერვიუში საუბრობს. მისი თქმით საარჩევნო სიას შესაძლოა ორი-სამი ისეთი ახალი სახე დაემატოს, რომელიც არ ასოცირდებოდა „ქართულ ოცნებასთან", მაგრამ საზოგადოებას არ შეიძლება მასთან პრეტენზია ჰქონდეს:
„ჩანს, რომ სიის პირველი ოცეულის კონფიგურაცია იქნება ასეთი: შევლენ ფრაქციის ხელმძღვანელები, მოადგილეები და მთავრობის წარმომადგენლები. შესაძლოა ორი-სამი ისეთი ახალი სახე დაემატოს, რომელიც არ ასოცირდებოდა „ქართულ ოცნებასთან", მაგრამ საზოგადოებას არ შეიძლება მასთან პრეტენზია ჰქონდეს. ეს იქნება ელჩი, ქართველი, რომელიც უცხოეთში მოღვაწეობს, ან აქ მყოფი რომელიმე საინტერესო სახე. მერწმუნეთ, მათი გამოჩენა სასირცხვილო არ იქნება, ისეთ ადამიანებზე გააკეთებენ აქცენტს. ჭიდაობა და დაპირისპირება ასეთი სიების შედგენის დროს ყოველთვის არსებობს, რასაკვირველია ახლაც იქნება, თუმცა საბოლოოდ ამას რამდენიმე კაცი წყვეტს და ივანიშვილი წერტილს სვამს. ამ შემთხვევაში ფორმალურ მმართველობას ვერავინ დასწამებს, რადგან ის არის პარტიის დამფუძნებელი", - ამბობს არეშიძე.
მოამზადა სოფო ხუგოიანმა
წყარო: „კვირის ქრონიკა"
