„გვქონდა კამათი, იყო დიდი ვნებათაღელვა, ახლა კონსტიტუციაში შევა ცვლილება, კონკრეტულად ჩაიწერება, რომ კაცი არის კაცი და ქალი არის ქალი, ხოლო მათი ერთობა არის ოჯახი", - ამის შესახებ საპარლამენტო უმრავლესობის წევრი სოსო ჯაჭვლიანი საუბრობს.

როგორც ჯაჭვლიანი აცხადებს, კონსტიტუციაში ცვლილების შეტანას საპარლამენტო უმრავლესობის მხარდაჭერა სჭირდება და მას იმედი აქვს, რომ პარლამენტი აღნიშნულ ინიციატივას მხარს დაუჭერს.

„ვინც არ დაგვეთანხმება, აგერაა ოქტომბერი, მოვიდა არჩევნების დრო და ვნახავთ, ვინ რას მიიღებს. ყველა დეპუტატმა უნდა დააფიქსიროს, სად დგას, იქით თუ აქეთ? ყველაფერი უნდა გადაწყდეს ისე, როგორც ხალხი და უმრავლესობა იტყვის!" - განაცხადა ჯაჭვლიანმა.

(მოამზადა ნენე სტეფანიშვილმა)

წყარო:   „კვირის ქრონიკა"