საქართველოს პრემიერ-მინისტრმა გიორგი კვირიკაშვილმა პარლამენტში პრეზიდენტის გამოსვლა შეაფასა. მისი თქმით, საინტერესო გამოსვლა იყო, ბევრი მნიშვნელოვანი აქცენტი იყო დასმული.

„ძალიან სასიამოვნოა, რომ პრეზიდენტი მიესალმა 4-პუნქტიან რეფორმების პროგრამას, რომელსაც მთავრობა ახორციელებს. აზრთა თანხვედრა ამ საკითხში ნამდვილად მისასალმებელია.

საერთოდ, ინსტიტუციური დემოკრატიის მნიშვნელობისთვის საქართველოში, ამ კონსტიტუციურ პროცესს აქვს ძალიან დიდი მნიშვნელობა ინვესტორებისთვის, საერთაშორისო პარტნიორებისთვის.

საჭიროა საქართველოს სოლიდურად წარმოჩენა. შეიძლება ითქვას, რომ ეს პროცესი რაც უფრო ნორმალიზებული იქნება, მით უფრო კარგი იქნება საქართველოს, როგორც შიდა, ისე საერთაშორისო იმიჯისთვის", - განაცხადა გიორგი კვირიკაშვილმა.