ამ წუთებში ტელეკომპანია „მაესტროში" არხის პარტნიორები იკრიბებიან. კრებაზე დირექტორის პოსტის გადაყენების საკითხი უნდა განიხილონ. კრების დაწყებამდე კომენტარი „მაესტროს" წილის მფლობელის გია გაჩეჩილაძის ძმამ ლევან გაჩეჩილაძემ გააკეთა:
„ჩვენ ვფლობთ 55%-ს. ბაია გადაბაძის გადაყენება არასწორი სიტყვაა. ჩემი ძმის თქმით, გადაბაძეს უფლებამოსილება შეუწყდება, როგორც გენერალურ დირექტორს. სასამართლოში შესულია საქმე კომპანიის გაკოტრების თაობაზე. ჩვენ გვინდა, რომ გაკოტრებას გადავარჩინოთ „მაესტრო". კომპანიამ უნდა მოიპოვოს ფინანსური დამოუკიდებლობა. უნდა შევისწავლოთ მედიაბაზარი", - განაცხადა ლევან გაჩეჩილაძემ.
ლევან გაჩეჩილაძემ ჟურნალისტებს შესაბამისი კითხვის საპასუხოდ ასევე განუცხადა, რომ არ აქვს ინფორმაცია, გია გაჩეჩილაძე შეხვდა თუ არა პრემიერ-მინისტრ გიორგი კვირიკაშვილს, თუმცა, ასეც რომ ყოფილიყო, ამაში უცნაურს ვერაფერს ხედავს. ლევან გაჩეჩილაძის ინფორმაციით, გიორგი კვირიკაშვილი და გია გაჩეჩილაძე დიდი ხნის მეგობრები არიან.
