სალონიკის საქალაქო სასამართლომ, ეროვნებით  ქართველ,  ე.წ. კრიმინალურ ავტორიტეტს ლაშა შუშანაშვილს  14 წლით თავისუფლების აღკვეთა მიუსაჯა.

 52 წლის შუშანაშვილი  საბერძნეთში 2008 წლიდან ცხოვრობს. სამართალდამცველების ინფორმაციით, იგი საერთაშორისო დანაშაულებრივ დაჯგუფებას ხელმძღვანელობდა.  ბრალდებული ეჭვმიტანილია მთელ რიგ შეიარაღებულ თავდასხმებში და  შეკვეთილ მკვლელობებში.  დაჯგუფება ესპანეთში, გერმანიაში, შვეიცარიასა და საფრანგეთში მოქმედებდა.

 შუშანაშვილი გასულ წელს ესპანეთის მიერ გაცემული საერთაშორისო ორდერის საფუძველზე დააკავეს, თუმცა იგი თავს დამნაშავედ არ სცნობდა. საბერძნეთმა ესპანეთსა და საქართველოს შუშანაშვილის ექსტრადაციაზე უარი უთხრა.