2 თებერვალს გამართულ აჭარის მთავრობის სხდომაზე მიღებულ იქნა გადაწყვეტილება ბათუმის ბულვარის აჭარის ფინანსთა და ეკონომიკის სამინისტროდან მერიის მართვაში გადაცემის თაობაზე.
ბათუმელებს ბულვარის ახალი კონცეფცია ეკონომიკის სამინისტრომ ერთი თვის წინ წარუდგინა.
სწორედ ამ პერიოდიდან მოქალაქეები აქტიურად აპროტესტებენ ბულვარში რადიკალურ ცვლილებებს. შეიქმნა პეტიციაც, რომელსაც 10 000-ზე მეტი ხელმომწერი ჰყავს, სოციალურ ქსელში დაიწყო კამპანია, რომელიც ბულვარში სამივე სასეირნო ზოლის შენარჩუნებას გულისხმობდა. გადაწყვეტილება სასეირნო ზოლის შენარჩუნებაზე აჭარის მთავრობის თავჯდომარემ დღეს კიდევ ერთხელ დაადასტურა.
არჩილ ხაბაძე: პროექტში მიმდინარეობს სამუშაოები, რომ დარჩეს ისევ მესამე ალეია. კონსულტაციები მიმდინარეობს, რომ ეს ახალი პროექტი იყოს თუ არსებულ პროექტში მოხდეს ცვლილება და შემდეგ იმ კომპანიასთან, რომელიც ასრულებს ამ საუშაოებს, დამატებით თანხები იქნას გამოყოფილი.
