ტელეკომპანია „მაესტრო" მაუწყებლობას საკუთარი ლოგოთი და სახელწოდებით განაგრძობს.

ამის შესახებ გადაწვეტილება არხის ერთ-ერთმა დამფუძნებელმა ბაჩო კიკაბიძემ მაკა ასათიანთან და მამუკა ღლონტთან საუბრის შემდეგ მიიღო.

"მე დამიკავშირდა ქალბატონი მაკა, ვესაუბრე ბატონ მამუკასაც და მთხოვეს, რომ არ მოხდეს მაესტროს დაზარალება. მე არ დავუშვებ არანაირი ფორმით, რომ რაიმე ზიანი მიადგეს მაესტროს საკითხის გარკვევამდე. როგორც მოგეხსენებათ ქალბატონი მაკა ჩამოდის, არც ბატონი მამუკა არ არის თბილისში. ჩამოვა ამ დღეებში და გადავწყვეტთ როგორ და რანაირად იქნება, ამ ეტაპისთვის რამე ზიანი, რომ არ მიადგეს მაესტროს შევჩერდი დროებით," - აღნიშნა ბაჩო კიკაბიძემ.