უკრაინის გენერალურმა პროკურორმა ვიქტორ შოკინმა ტელეკომპანია „ინტერის" ეთერში განაცხადა, რომ უკრაინის პროკურატურამ 2014 წელს გამართული საპროტესტო აქციების დროს აქტივისტების მკვლელობაში ექს-პრეზიდენტი ვიქტორ იანუკოვიჩი დაადანაშაულა.

მისივე თქმით, იანუკოვიჩის წინააღმდეგ მიმდინარე გამოძიება თითქმის დასრულებულია.

„ნათელია, რომ თავისი ხალხის მეშვეობით მაიდანზე მკვლელობათა ორგანიზებას ხელმძღვანელობდა", - განაცხადა ვიქტორ შოკინმა.

„BBC"-ის ცნობით, რამდენიმე დღის წინ უკრაინის სამართალდამცავმა ორგანოებმა განაცხადეს, რომ ნაპოვნია იარაღის ფრაგმენტები, რომლითაც საპროტესტო აქციების მონაწილეებს ესროდნენ.

2014 წლის ზამთარში, კიევში გამართული საპროტესტო აქციების დროს 106 ადამიანი მოკლეს.

მოამზადა ნათია ცუხიშვილმა