საქართველოს პრემიერ-მინისტრმა გიორგი კვირიკაშვილმა ჟურნალისტებს პლატფორმის „დაიცავი თავისუფლება“-ს მიერ „გაზპრომთან" მიმდინარე მოლაპარაკებების საკითხზე შეხვედრის მოთხოვნის კომენტირებისას ჟურნალისტებს განუცხადა, რომ „გაზპრომის“ საკითხი ამოწურულია და პლატფორმა „დაიცავი თავისუფლება“-სთან შეხვედრის ფორმატში ამ თემის გაგრძელების საფუძველი არ არსებობს.

„მე ვხვდები არასამთავრობო სექტორის ძალიან ბევრ წარმომადგენელს და მაქვს გარკვეული განრიგი. არ ვიცი, კონკრეტულად რას ეხება. „გაზპრომის“ თემას თუ ეხება, მე არ მაქვს არანაირი საფუძველი იმისა, რომ ეს თემა და ამ ფორმატში განხილვა გავაგრძელო. მე მგონია, რომ ეს საკითხი ამოწურულია, იმიტომ რომ არანაირ სტრატეგიულ მოლაპარაკებებზე საუბარი არ არის. წმინდა ტექნიკური ხასიათის პრობლემების აღმოფხვრაზე იყო საუბარი და მე მგონია, რომ სრულიად უსაფუძვლოა ამასთან დაკავშირებით პოლიტიკური სპეკულაციების გაგრძელება. საქართველოს აქვს სტრატეგიული ურთიერთობა აზერბაიჯანთან, ასევე, კომპანია „სოკართან“ და სტრატეგიულ ურთიერთობებს არაფერი არ ემუქრება“, - განაცხადა გიორგი კვირიკაშვილმა.

მოამზადა ნათია ცუხიშვილმა