საქართველოს რეგიონული განვითარებისა და ინფრასტრუქტურის მინისტრმა, დავით ნარმანიამ სტიქიის შედეგად დაზარალებული რეგიონების დაფინანსებასთან დაკავშირებით განცხადება გააკეთა. მისი თქმით, ზიანის აღწერაზე და შემდგომი ნაბიჯერბის განხორციელებაზე მთავრობა იზრუნებს.
"ბოლო რამდენიმე დღის წინ მომხდარი სტიქიის შედეგად დაზიანდა ზუგდიდის, ჩხოროწყუს, წალენჯიხის, ოზურგეთის შავი ზღვისპირა ზოლი და დუშეთის მუნიციპალიტეტები. ჩვენ აპრობირებული პრაქტიკის მიხედვით ვასრულებთ სამუშაოებს. სამინისტროს თანამშრომლები მიევლინებიან მუნიციპალიტეტებში, რომ ადგილზე დაეხმარონ. ხდება ზარალის შესწავლა. ზიანის აღმოფხვრისთვის ადგილობრივი რესურსები გამოიყენება, ხოლო რაზეც თანხა არ ეყოფათ მუნიციპალიტეტებს ფინანსთა სამინისტროსთან ერთად რეგიონებში განსახორციელებელი ფონდიდან გამოვუყობთ მათ დაფინანსებას. ყველა მუნიციპალიტეტმა დაითვალა ზიანი, გადმოგზავნილია ჩვენთან და პარასკევის მთავრობის სხდომაზე იქნება მიღებული გადაწყვეტილება დაფინანსებასთან დაკავშირებით." - განაცხადა ნარმანიამ.
