ლევან გაჩეჩილაძის ადვოკატის ირაკლი კორძახიას განცხადებით „მაესტროში" მიმდინარე პროცესები სამართლებრივ ჩარჩოში უნდა გადავიდეს, რადგან არსებობს ბევრი ნიუანსი, რომელიც მხოლოდ სასამართლომ უნდა გადაწყვიტოს და არა ცალკეულმა პიროვნებებმა.
„ტექნიკა "მაესტროს" საკუთრებაა, შენობა კი, "ემ ინვესტმენტის", რომელიც მაკა ასათიანს ეკუთვნის. თუმცა, მაესტროს ეს შენობა იჯარით აქვს აღებული. ანუ, როგორც მოიჯარე, კანონიერი მფლობელია. იჯარის შეწყვეტისთვის პროცედურების დაცვაა საჭირო. იქიდან გამომდინარე, რომ "მაესტრო" გადახდის უუნარობის რეჟიმში იმყოფება, მისი შენობიდან გამოსახლება დაუშვებელია.
გაჩეჩილაძეები ჟურნალისტებს მოუწოდებენ, მუშაობა ჩვეულ რეჟიმში განაგრძონ. იმის მიუხედავად, რომ შესაძლოა, დაბნეულნი არიან, ან, მათზე ზეწოლაც ხორციელდება. სამსახურიდან მათ გაშვებას, ან მათთვის დირექტივების მიცემას არავინ აპირებს. "მაესტროში" არა ერთი დირექტორი გამოცვლილა. ეს ჩვეულებრივი პროცესია. წარმოუდგენელია, კანონიერად დანიშნულ დირექტორს ტელევიზიაში შესვლა როგორ უნდა გაუჭირდეს?! ჩვენ კანონის ფარგლებში ვმოქმედებთ. ასე რომ, გაჩეჩილაძე "მაესტროში" დაუბრკოლებლად შევა." - განაცხადა ირაკლი კორძახიამ გადაცემაში 2030.
