კლიენტებისთვის ნათქვამი ფრაზის, „ღმერთმა დაგლოცოს" გამო, „პროკრედიტ ბანკის" მიერ სამსახურიდან გათავისუფლებული ანა მ-ს ინტერესების დამცველი არჩილ კაიკაციშვილიაცხადებს, რომ გავრცელებული ინფორმაციით, „პროკრედიტ ბანკში" რელიგიური მოტივებით თანამშრომლის გათავისუფლება პირველი შემთხვევა არ ყოფილა და ასე ხშირად ხდება. ამის შესახებ კაიკაციშვილი „ალიას" ესაუბრა და ყველა იმ მოქალაქეს, რომელიც „პროკრედიტ ბანკიდან" რელიგიური მოტივებით გაათავისუფლეს, დახმარება აღუთქვა.
„2016 წლის 26 იანვარს ოფიციალური ღია წერილით მივმართეთ „პროკრედიტ ბანკის" დირექტორს, ქალბატონ ქეთევან ხუსკივაძეს, ბანკის კიდევ ერთ დირექტორს, ქალბატონ სოფიო კორძახიას და ბანკის გერმანული მენეჯმენტის ხელმძღვანელს, ასევე დირექტორს, ბატონ ალექსი მატუას. ჩვენ დავუსაბუთეთ მათ მიერ მიღებული გადაწყვეტილების არაკანონიერება და შეუსაბამობები. წერილის მთავარი მიზანი იყო, ბანკს 29 იანვრის მდგომარეობით გაევრცელებინა ოფიციალური განცხადება და დაეგმო რელიგიური მოტივებით თანამშრომლის გათავისუფლება სამსახურიდან, ქართველი საზოგადოების წინაშე ბოდიში მოეხადა და დაედო პირობა, რომ საკადრო გადაწყვეტილებებისას მომავალში მეტი პასუხისმგებლობით მოეკიდებოდა იმ მანკიერ პრაქტიკას, როდესაც ადამიანების ამ ბანკიდან გათავისუფლება მხოლოდ რელიგიური მოტივით ხდებოდა.
არსებობს ცალკეული მოარული ხმები, რომ რელიგიური მოტივებით „პროკრედიტ ბანკიდან" აღნიშნული გათავისუფლება პირველი არ არის და ასეთი პრობლემების წინაშე სხვა დასაქმებულებიც დამდგარან, რომლებიც ამჟამად ბანკში აღარ მუშაობენ.
მინდა, მივმართო ყველა იმ მოქალაქეს, რომელიც „პროკრედიტ ბანკში" საქმიანობდა და რომლის გათავისუფლებაც სწორედ რელიგიური მოტივებით მოხდა, აუცილებლად დაგვიკავშირდნენ და ჩვენ თითოეულ ასეთ ქეისს განვიხილავთ", - განაცხადაკაიკაციშვილმა.
(მოამზადა ნენე სტეფანიშვილმა)
წყარო: „ალია"
