თეატრის მხატვარი შოთა გლურჯიძე „მაესტროს" გარეშემო შექმნილ ვითარებას სოციალურ ქსელში ამგვარად აფასებს:

„ბაია გადაბაძე აცხადებს - ძმები გაჩეჩილაძეები „მაესტროს" შენობაში სამუშაოდ ვერ შევლენ.

ჩემი აზრით, ძმებმა გაჩეჩილაძეებმა დღეს კიდევ ერთხელ გადაარჩინეს „მაესტრო" სრულ ზნეობრივ გაკოტრებას, საითაც მიჰყავდათ ტელეკომპანია. „მაესტრო" არა მხოლოდ ნაცების ლიბერალურ ტრენდში იმყოფებოდა, ის მალე სრულ დაქვემდებარებაში გადადიოდა „რუსთავი 2"-ის, კეზერაშვილის და „ნაცმოძრაობის". ამის ნათელი სიმპტომი მისი მთელი სარეკლამო დროის „რუსთავი 2"-ზე მიყიდვის ხელშეკრულება იყო, რომლის გაფორმებასაც ეს მეწილეები აპირებდნენ და ამას ბიზნესგარიგებად ნათლავდნენ. ნაცების გავლენა ისედაც ნათლად ჩანდა ეთერში და რესპონდენტების არჩევანში. ასე რომ, ყველაფერი კარგად მოხდა, „მაესტროს" ჟურნალისტებისათვის და მაყურებლებისათვის.

ახლა „მაესტრო" თავისუფლდება ზუსტად პოლიტიკური გავლენისაგან და გახდება ეროვნული ფასეულობების და თავისუფალი ტელევიზია. მე ამის დიდი იმედი მაქვს!!!" - წერს შოთა გლურჯიძე.

მოამზადა სალომე ჯანდიერმა