ბიზნესმენი ირაკლი რუხაძე აცხადებს, რომ აპირებს განცხადების გავრცელებას, სადაც „ყველა კითხვაზე პასუხი იქნება გაცემული". კითხვაზე, თუ რატომ ასესხა მან ფული გია გაჩეჩილაძეს კონკურენტი არხის გასაძლიერებლად, განაცხადა, რომ ის მეგობარს დაეხმარა და ამით ფინანსურ სარგებელს ნახულობს:

„კომერციული გარიგებაა, რომელიც რატომღაც გავიდა კომერციისგან. გავაკეთებ განცხადებას, სადაც შევეცდები, განვმარტო ყველაფერი - თუ რა არის ჩემი ინტერესი, რა შეიძლება იყოს „იმედის" ინტერესი და ასე შემდეგ.

არ ვარ მიჩვეული კომერციულ გარიგებებზე საუბარს. კოტე გოგელია ითხოვდა 9-ნახევარ მილიონს, ჩვენ ვთავაზობდით 7 მილიონს. დღეს კოტე ითხოვს 5-ნახევარს 30 პროცენტში. მე კოტეს ველაპარაკე 7-8-ჯერ ორი კვირის განმავლობაში და მაშინ რომ დათანხმებოდა „უცნობი" ამ თანხას, არავის გეცოდინებოდათ ახლა ეს ამბები", -განაცხადა ირაკლი რუხაძემ.