ფინანსთა მინისტრმა ნოდარ ხადურმა მთავრობის სხდომის დასრულების შემდეგ განაცხადა, რომ კანონში ცვლილების შემდეგ, საგადასახადო შემოწმებას საგამოძიებო სამსახური აღარ ჩაატარებს და ამას განახორციელებს მხოლოდ შემოსავლების სამსახური.
„იმპორტიორი, რომელიც ძირითად საშუალებებს იყენებს დამატებული ღირებულების გადასახადით დასაბეგრ ოპერაციებში, ძირითადი საშუალების იმპორტისას დღგ-ს აღარ გადაიხდის. საუბარი შეეხება იმას, რომ თუკი საწარმოს შემოაქვს მანქანა-დანადგარები, ის საზღვარზე ამ მანქანა -დანადგარებზე აღარ გადაიხდის დღგ-ს და არათუ საზღვარზე, საერთოდ აღარ გადაიხდის.
დღეს შემოსავლების სამსახური უფლებამოსილია, ყადაღა დაადოს სასამართლოს გარეშე. შემოსავლების სამსახური აუცილებლობის შემთხვევაში განახორციელებს აღნიშნულ ქმედებას, მაგრამ 48 საათში სასამართლოსგან მან უნდა მიიღოს თანხმობა. თუ ვერ მიიღებს თანხმობას, ყადაღა ჩაითვლება მოხსნილად.
საქართველოს ფინანსთა სამინისტროს საგამოძიებო სამსახური საგადასახადო შემოწმებებს აღარ ჩაატარებს. ამას ჩაატარებს მხოლოდ შემოსავლების სამსახური", - განაცხადა ხადურმა.
მოამზადა სალომე ჯანდიერმა
