იტალიელმა სამართლამდამცველებმა კანონიერი ქურდის ასლან უსოიანის, იგივე დედ ჰასანის მკვლელობა გახსნეს და რუს სამართადამცველებს დეტალური ინფორმაცია მიაწოდეს.
კარაბინერების მიერ მოპოვებული მასალებით უკვე დასრულდა ქართველი კანონიერი ქურდების ტარიელ ონიანისა და მერაბ ჯანგველაძის სატელეფონო საუბრების ჩანაწერების გაშიფვრა. ჩანაწერებით მტკიცდება, რომ უსოიანის ლიკვიდაციამდე ერთი დღით ადრე ისინი დედ ჰასანის მკვლელობის გეგმას ადგენდნენ. იტალიელ სამართალდამცველებს ასევე გააჩნიათ მერაბ ჯანგველაძის, იგივე „მერაბ სოხუმსკის" სხვა საუბრების ჩანაწერებიც, მათ შორისი ისინი, რომელიც ქურდების შეკრებებს ასახავს.
კარაბინერების მიერ მოპოვებული მასალებით დგინდება, რომ ტარიელ ონიანმა სატელეფონო საუბრების დროს მერაბ ჯანგველაძეს განუმარტა, თუ რატომ იყო საჭირო ასლან უსოიანის ლიკვიდაცია. მისი აზრით, თუ უსოიანის განეიტრალება მოხდებოდა, ქურდულ სამყაროში არსებული ქაოსი დალაგდებოდა და ახალი „კანონიერი ქურდები" ყოველდღიურად აღარ მოინათლებოდნენ. ამ შინაარსის სატელეფონო საუბრის შემდეგ, რომლის ჩანაწერიც იტალიის პოლიციას გააჩნია, მეორე დღეს უსოიანი სნაიპერმა მოსკოვში სახლის სადარბაზოში ჩაცხრილა.
