საქართველოს პრემიერ-მინისტრის გიორგი კვირიკაშვილის განცხადებით, ხელისუფლება ცდილობს რუსეთს გააგებინოს, რომ საქართველოს მისწრაფებები  NATO-სთან დაკავშირებით, რუსეთის წინააღმდეგ არ არის მიმართული.

ამის შესახებ პრემიერმა „reuters"-თვის მიცემულ ინტერვიუში განაცხადა.

„ჩვენ ვცდილობთ რუსი პოლიტიკოსებისთვის გზავნილის მიწოდებას, რომ საქართველოს მისწრაფებები ევროკავშირსა და NATO -სთან დაკავშირებით, რუსეთის წინააღმდეგ არ არის მიმართული. ვთვლი, რომ სტაბილურობა კავკასიაში და რეგიონში რუსეთის ინტერესებშიც უნდა შედიოდეს. ჩვენ ვერ ვხედავთ კონფრონტაციის მიზეზს, რომელსაც საფუძვლად შეიძლება ჰქონდეს საქართველოს მისწრაფებები NATO -სთან დაკავშირებით", - განაცხადა პრემიერ-მინისტრმა.