უნდა ჩაიწეროს თუ არა კონსტიტუციაში, რომ ქორწინება არის ქალისა და მამაკაცის ერთობა? „რეპორტიორის" შეკითხვას საქართველოს ყოფილი გენერალური პროკურორი გია მეფარიშვილი პასუხობს. მისი თქმით, შეიქმნა აუცილებლობა, რომ კონსტიტუციაში გამოკვეთილად ჩაიწეროს, ოჯახი არის ქალისა და მამაკაცის ერთობა. ამ საკითხის რეგულაციის აუცილებობა თურმე არის.
„როცა კონსტიტუციაში რაიმე ცვლილება შედის, ორი ძირითადი ფაქტორია გასათვალისწინებელი, საზოგადოების მხრიდან უნდა იყოს მოთხოვნა და საკითხის რეალური სამართლებრივი საფუძველი უნდა არსებობდეს.
ვინაიდან ეს პრობლემა პოლიტიკურ საკითხად იქცა, ვფიქრობ ასეთი ცვლილების განხორციელება არ იქნებოდა ზედმეტი და კონსტიტუციაში უნდა ჩაწერონ. ქორწინება არის ოჯახის შექმნის, ხოლო ოჯახი არის სახელმწიფოს საფუძველია. ამ შემთხვევაში გამოკვეთილად უნდა ჩაიწეროს, რომ ოჯახი არის ქალისა და მამაკაცის ერთობა. ამ საკითხის რეგულაციის აუცილებობა თურმე არის", - ამბობს მეფარიშვილი.
