თბილისი მერის განცხადებით, ახალ უმრავლესობას უფლება აქვს თბილისის საკრებულოში ახალი თავმჯდომარე აირჩიოს.
"დღეს იქ შეიკრა ახალი უმრავლესობა, რომელსც შეუძლია და უფლება აქვს ახალი თავმჯდომარე აირჩიოს და ხელახლა დააკომპლექტოს კომიტეტები. მე ამ პროცესს მხოლოდ თვალყურს ვადევნებ და საჭიროდ არ ვთვლი ჩემი მხრიდან ჩარევას, რადგან მერი და მერია არის ცალკე არჩევითი ორგანო", - განაცხადა უგულავამ. 
თუ როგორ შეაფასებს უგულავა ირაკლი შიხიაშვილის კანდიდატურას და რას იტყვის ყოფილ თანაგუნდელზე,მერმა უპასუხა, რომ "არაფერს". 
შეგახსენებთ, რომ 26 ივლისს, თბილისის საკრებულოს სხდომა გაიმართება, სადაც საკრებულოს ახალ თავმჯდომარეს და 13 კომისიის თავმჯდომარეს აირჩევენ.