ფრაქცია "დედაქალაქის" წევრის  მამუკა კაციტაძის განცხადებით, თბილისის საკრებულოს თავმჯდომარის კანდიდატურის შერჩევაში გარე ძალების ჩარევის შესახებ ინფორმაციას არ ფლობს.როგორც მამუკა კაციტაძემ ჟურნალისტებთან საუბრისას განაცხადა, ფრაქცია "თავისუფლების" თავმჯდომარე ირაკლი შიხიაშვილი საკრებულოს თავმჯდომარის ერთ-ერთ კანდიდატად განიხილება. მისივე თქმით, საკრებულოს ახალ უმრავლესობაში, რომელიც 25 დეპუტატს შეადგენს, კონსულტაციები ამ საკითხზე არ დასრულებულა. მამუკა კაციტაძის განმარტებით, სავარაუდო კანდიდატებად საკრებულოს თავმჯდომარის პოსტზე მოიაზრება ჯაბა სამუშია, გიორგი მუსხელიშვილი, ირაკლი შიხიაშვილი, სხვა კანდიდატების შესახებ მას ინფორმაცია არ აქვთ. კაციტაძე აცხადებს, რომ კანდიდატებთან დაკავშირებით საკუთარ პოზიციას მას შემდეგ დააფიქსირებს რაც, საკრებულოზე კონკრეტული პირის არჩევის საკითხი დადგება.  მისივე თქმით,  მას არ აქვს ინფორმაცია თბილისის საკრებულოს თავმჯდომარის კანდიდატურის შერჩევაში შს სამინისტროს ან სხვა უწყების ჩარევის შესახებ.