პრემიერ-მინისტრ ბიძინა ივანიშვილის განცხადებით, ვადამდელი საპარლამენტო არჩევნების დანიშვნის საკითხი არ განიხილება. ამის შესახებ ივანიშვილმა ჟურნალისტებს  ბიზნეს-ცენტრში, ეკონომიკის ექსპერტებთან შეხვედრის დასრულების შემდეგ განუცხადა.

 „ეს  საკითხი არ განიხილება არცერთ შემთხვევაში. ეს ჩემი სურვილი არ არის. ჩვენ როგორმე უნდა ვისწავლოთ, რომ კონსტიტუციას პატივი ვცეთ, ისეთ შემთხვევაშიც კი, როდესაც საკმაოდ რთულ შედეგებთან გვაქვს საქმე. უნდა შევეგუოთ და ვისწავლოთ, რომ კანონს, კონსტიტუციას პატივი ვცეთ და არ მოვახერხოთ მუდამ აპელირება იმაზე, რომ შესაძლოა, ვადამდელი არჩევნები დაინიშნოს", - განაცხადა ივანიშვილმა.