საქართველოს პრემიერ-მინისტრმა დღეს, ეკონომიკური გუნდის ექსპერტებთან შეხვედრაზე მაჟორიტარული სისტემის გაუქმების საკითხი რამდენჯერმე დააყენა. როგორც საკუთარ ბიზნეს ცენტრში პრემიერმა ჟურნალისტებთან საუბრისას აღნიშნა, მაჟორიტარებთან დაკავშირებით პრობლემები არსებობს.
"რამდენჯერმე დავსვი საკითხი, შეიძლება მაჟორიტარული სისტემა საერთოდ ამოვიღოთ, თუმცა არ ვარ ამის დიდი სპეციალისტი და საკითხს ძალიან ფრთხილად ვეკიდები", - განაცხადა ივანიშვილმა.
მისივე თქმით, მაჟორიტარები პარლამენტრის წევრები არიან, კანონმდებლობის ჩამოყალიბებაში მონაწილეობენ, შესაბამისად, საკუთარი უფლებები და მოვალეობები კარგად უნდა გაარკვიონ და საკუთარი მოღვაწეობა ამის მიხედვით გააგრძელონ
"ისინი აირჩიეს რეგიონებიდან, ვალდებულება აქვთ ამ რეგიონების მიმართ და ეს უნდა განახორციელონ. როგორც მათ მიაჩნიათ, რომ რეგიონი თვითონ უნდა მართონ - ასე არ არის", - განაცხადა ივანიშვილმა.
პრემიერმა არ დააკონკრეტა, პრეტენზიები რომელ მაჟორიტარ დეპუტატთან აქვს, თუმცა აღნიშნა, რომ ბევრს პოლიტიკური გამცდილება აკლია.
