„საქართველოს ეკონომიკური განვითარების სტრატეგია მზად სექტემბრისთვის იქნება," - ამის შესახებ საქართველოს პრემიერ-მინისტრმა ბიძინა ივანიშვილმა ეკონომიკურ ექსპერტებთან გამართული შეხვედრის დასრულების შემდეგ განაცხადა.
როგორც პრემიერმა აღნიშნა, გეგმა დამუშავების პროცესშია. მანვე აღნიშნა, რომ ეკონომიკურ ექსპერტებთან შეხვედრა საინტერესო იყო.
" ბევრი რჩევები იყო, რომლებსაც აუცილებლად გავითვალისწინებთ. იყო კრიტიკული გამონათქვამებიც," - აღნიშნა პრემიერ-მინისტრმა.
ბიძინა ივანიშვილის აცხადებს, რომ ეკონომიკურ ჯგუფთან მას ხშირი შეხვედრები ექნება.
"ჩვენი ქვეყნის პრობლემების ყველა გზა თითქმის ეკონომიკაზე გადის და ჩვენი ძირითადი გამოწვევა ეკონომიკაა. ნახევრად ხუმრობით, მაგრამ აბსოლუტურად სერიოზულად განვაცხადე, რომ მომავალში ჩემი ძირითადი ინტერესი ეკონომიკური ექსპერტები იქნებიან", - განაცხადა პრემიერმა.
