ამის შესახებ მთავრობის კანცელარიაში, მთავრობის სხდომის დასრულების შემდეგ, განათლების ახალმა მინისტრმა, თამარ სანიკიძემ განაცხადა. "დავით ზურაბიშვილს მოადგილის რანგში არ განვიხილავ, თუმცა ვფიქრობ, რომ მისი პოლიტიკური გამოცდილება გასაზიარებელია და მას ჩემი მრჩევლის პოზიციას შევთავაზებ", - განაცხადა სანიკიძემ. ამასთან, მინისტრის თქმით, მას ოთხი მოადგილე ეყოლება. თამარ სანიკიძე აცხადებს, რომ მთავრობის დღევანდელ სხდომაზე მოადგილეების დანიშვნასთან დაკავშირებით სრული თავისუფლება ითხოვა, რათა "ჰყავდეს ისეთი მოადგილეები, რომლებიც შეესაბამება სტრატეგიას".