„უმრავლესობას უფლება აქვს ახალი თავმჯომარე აირჩიოს. მათ ადგილას, უფრო მეტ კონსულტაციას გავმართავდი. მე რომ ხმა მქონდეს, ზაალ სამადაშვილის გადაყენებას არ მივცემდი ხმას." - ასე გამოეხმაურა გიგი უგულავა საკრებულოში მიმდინარე მოვლენებს.

შეგახსენებთ, დღეს თბილისის საკრებულოში ბიუროს სხდომა გაიმართა, სადაც განხილვის მთავარი საკითხი ზაალ სამადაშვილის თავმჯდომარის პოსტიდან გადაყენება იყო. სხდომას ჯაბა სამუშია უძღვებოდა.  უმცირესობის წარმომადგენლები კი შეკრებას არ დაესწრნენ. უმრავლესობის მხრიდან თავმჯდომარის მთავარ კანდიდატად ირაკლი შიხიაშვილი დასახელდა, თუმცა მას მმართველი გუნდის ყველა წევრი მხარს არ უჭერს.