კულტურის სამინისტრო კინოთეატრ „აპოლოსთან" დაკავშირებით, განცხადებას ავრცელებს, რომელსაც „რეპორტიორი" უცვლელად გთავაზობთ.

„საქართველოს კულტურისა და ძეგლთა დაცვის სამინისტრო იზიარებს საზოგადოების აზრს, რომ კინოთეატრი „აპოლო" უნდა აღდგეს და ამოქმედდეს თავისი პირვანდელი ფუნქციით. საქართველოს კულტურისა და ძეგლთა დაცვის მინისტრი გურამ ოდიშარია აწარმოებს მოლაპარაკებებს კინოთეატრ „აპოლოს" ამჟამინდელ მფლობელებთან. მინისტრმა არაერთხელ განუცხადა მასმედიას, რომ „აპოლომ" - კულტურული მემკვიდრეობის გამორჩეულმა ძეგლმა და ევროპის ერთ-ერთმა უძველესმა კინოთეატრმა, უნდა დაიბრუნოს თავისი ფუნქცია და გამოაცოცხლოს თბილისის ერთ-ერთი უმშვენიერესი უბნის კულტურული ცხოვრება", - ნათქვამია განცხადებაში.