დედაქალაქის საკრებულოს პლენარულმა სხდომამ დაწყებიდან ხუთ წუთში მუშობა დაასრულა. პირველივე იყო ზაალ სამადაშვილის თანამდებობიდან გადაყენების საკითხი.  ერთხმად - 25 ხმით არცერთის წინააღმდეგ, 4 წლიანი მმართველობის შემდეგ, ზაალ სამადაშვილი საკრებულოს ახლად შექმნილმა უმრავლესობამ თანამდებობიდან გადააყენა.  თავმჯდომარის მოვალეობის შესრულება დაევალა ჯაბა სამუშიას. ამ წუთებში სხდომათა დარბაზში, სადაც პლენარული სხდომა მიმდინარეობდა, უკვე დაიწყო კონსულტაციები საკრებულოს ახალი თავმჯდომარის კანდიდატურის თაობაზე. ასევე, კონსულტაციების შემდეგ გადაწყდება რიგგარეშე სხდომის თარიღი. აღსანიშნავია, რომ ნაციონალური მოძრაობის ფრაქციის წევრებმა რეგისტრაცია კი გაიარეს სესიაზე დასასწრებად, მაგრამ სხდომაზე არ შესულან.