პარლამენტის თავმჯდომარემ დავით უსუფაშილმა შენობაში მყოფ ყველა პირს შენობის დროულად დატოვებისკენ მოუწოდა. უსუფაშვილს იმედი აქვს, რომ იმის ალბათობის ხარისხი, რომ პარლამენტის შენობაში ბომბია, დაბალია. პარლამენტში დაწყებულ ევაკუაცისთან დაკავშირებით უსუფაშვილმა განცხადება ცოტა ხნის წინ გააკეთა. მისი თქმით, პარლამენტში შევიდა სიგნალი იმის თაობაზე, რომ შენობაში ბომბია. მისი თქმით, შენობის დაცვის სამსახურმა ეს ინფორმაცია გააანალიზა და არსებული წესების გათვალისწინებით შენობაში მყოფ პირებს სთხოვა, რომ შენობა დაეტოვებინათ. პარლამენტის თავმჯდომარის თქმით, დღეს პლენარული სხდომა აღარ განახლდება, რადგან შესაბამისი სამუშაოების ჩატარებას რამდენიმე საათი დასჭირდება. დეპუტატები რიგგარეშე სხდომას ხვალ გამართავენ. საკანონმდებლო ორგანოში სამართალდამცავი ორგანოების თანამშრომლები მუშაობენ. ევაკუაცია განხორციელდა როგორც პარლამენტის ცენტრალურ კორპუსში, ასევე ორ ადმინისტრაციულ კორპუსში.
