ამ წუთებში პარლამენტის შენობას ტოვებს ყველა, ვინც იქ იმყოფებოდა. სამართალდამცავების მოთხოვნით, შენობაში მხოლოდ განმაღმველები უნდა დარჩნენ. პარლამენტის მიმდებარე ტერიტორიიდან ავტომობილების ევაკუაციაც მიმდინარეობს.
როგორც პარლამენტის თავმჯდომარე დავით უსუფაშვილი აცხადებს, ზარი მოსალოდნელ აფეთქებასთან დაკავშირებით, ნახევარი საათის წინ შევიდა პარლამენტში. უსუფაშვილის თქმით, აფეთქება ორი საათის შემდეგაა მოსალოდნელი. მისი თქმით, ზარი დიდი დამაჯერებლობით არ გამოირჩევა, მაგრამ სანამ მინიმალური შანსიც კი არსებობს ზარის რეალურობის, მთლიან შენობაში ევაკუაცია უნდა განხორციელდეს.
შინაგან საქმეთა სამინსიტრომ უკვე გააკეთა აღნიშნულ ფაქტთან დაკავშირებით სპეციალური განცხადება. როგორც შსს-ს პრეს-სამსახურის უფროსმა ნინო გიორგობიანმა განაცხადა, პარლამენტში გამნაღმველები მუშაობენ და საქმე სისხლის სამართლის 331-ე მუხლითაა აღძრული.
