აჭარაში ძლიერი ქარი და წვიმაა. სტიქიამ 4 ბალი შეადგინა. ამინდი დღეს დილიდან გაუარესდა. მთელი ღამის განმავლობაში სანაპიროზე საგანგებო სიტუაციათა მართვის სამსახურის თანამშრომლები პატრულირებდნენ, თუმცა ამ დროისთვის უამინდობას სერიოზული ზიანი არ მოჰყოლია.

სინოპტიკოსები ვარაუდობენ, რომ შტორმი გაძლიერდება. უსაფრთხოების მიზნით, ყველა მცურავი საშუალება ამ დროისთვის ბათუმის იახტკლუბშია გადაყვანილი.

დილიდან თოვს აჭარის მაღალმთიანეთში. დროებით შეწყდა მიმოსვლა ბათუმი-ახალციხის ცენტრალურ ავტომაგისტრალზე. ქედაში სოფელ ზვარეში ჩამოწოლილმა მეწყერმა მიკროავტობუსი მოიყოლა, თუმცა შემთხვევას მსხვერპლი არ მოჰყოლია.