დღეს პრემიერ-მინისტრმა იპოთეკარების საქმესთან დაკავშირებით კომენტარი გააკეთა. მისი თქმით, პარლამენტი უპასუხისმგებლოდ მოიქცა, როდესაც კანონპროექტი პირველი მოსმენით მიიღო. პრემიერი აცხადებს, რომ ეს ქმედება „მოუმწიფებლობის ბრალია." ივანიშვილი უმრავლესობის წევრებთან გასაუბრებას გეგმავს. მისი თქმით, პრობლემაა, რომ ბიზნესს კონკრეტულად პარლამენტიდან კარნახობენ.
„სამწუხაროა, რომ პარლამენტი ასე უპასუხისმგებლოდ მოიქცა. მათ არ გაივთალისწინეს მთავრობის პოზიცია და პირველი მოსმენით მიიღეს გადაწყვეტილება. მოვახერხებ, უმრავლესობას ავუსხნა, რომ არ შეიძლება, ბიზნესთან შეუთანხმებლად ბიზნესს უკარნახო. ბანკებს იპოთეკური სესხები აქვთ გაცემული და მათთან შეუთანხმებლად მსგავსი კანონპროექტის მიღება აბსულუტურად გაუზარებელი და აბსურდულია."-განაცხადა პრემიერ-მინისტრმა.
ბიძინა ივანიშვილმა აღნიშნა, რომ თუ შეთანხმება მოხდება იმ ბიზნესსტრუქტურებთან, რომლებიც პროცესებში მონაწილეობდნენ, მხოლოდ ასეთ შემთხვევაში შეიძლება აღნიშნულ კანონპროექტს პარლამენტმა მხარი დაუჭიროს.
„ასე მოწყვეტილად განხილვა, არც მთავრობას შეუთანხმო, არც ბიზნესს შეუთანხმო-ეს გახლავთ სიყმაწვილე პოლიტიკაში. გადაწყვეტილებები ასე არ მიიღება."-აღნიშნა ბიძინა ივანიშვილმა.
