ბიძინა ივანიშვილმა მაჟორიტარების არჩევის წესთან დაკავშირებით  კომენტარი დღესაც გააკეთა.  პრემიერ-მინისტრი განმარტავს, რომ აღნიშნულ საკითხზე ექსპერტებთან მსჯელობაა საჭირო.

„მაჟორიტარებმა დამოკიდებულება უნდა შეიცვალონ. მათ  თავისი ფუნქციები კარგად უნდა აითვისონ. ნუ ერევიან ზედმეტად სხვა სამინისტროების ფუნქციებში. მათ ევალებათ, შეხვდნენ ამორმჩევლებს და გაიგონ, რა ხდება რეგიონებში. ეს საკმარისი იქნება იმისათვის, რომ მათ გარკვეული მონაწილეობა მიიღონ  რეგიონების განვითარებაში."-განაცხადა ბიძინა ივანიშვილმა.

შეგახსენებთ,  საქართველოს პრემიერ-მინისტრმა, გუშინ, ეკონომიკური გუნდის ექსპერტებთან შეხვედრაზე მაჟორიტარული სისტემის გაუქმების საკითხი დააყენა, რასაც კრიტიკული შეფასებები მოჰყვა სხვადასხვა პოლიტიკური პარტიების მხრიდან.