ეუთო-ს თავმჯდომარე ლეონიდ კოჟარა უკრაინაში დაგეგმილ მინისტერიალამდე ქვეყანაში არსებულ მდგომარეობას ეხმაურება.
„საბჭოს მინისტერიალის ეს შეხვედრა კიევში მშვიდობიანი აქციების ფონზე მიმდინარეობს, ეს კი ხაზს უსვამს უკრაინის მიერ ადამიანის უფლებებისა და ფუნდამენტური თავისუფლებების, მათ შორის, გამოხატვის, შეკრებისა და გაერთანების თავისუფლებას", - ნათქვამია განცხადებაში.
ამასთან, ლეონიდ კოჟარა იმედს გამოთქვამს, რომ ქვეყანაში არსებული პრობლემა ხელისუფლებასა და ოპოზიციას შორის დიალოგის გზით გადაწყდება და ძალადობას და საგარეო ჩარევას ადგილი არ ექნება.
„მწუხარებას გამოვთქვამ ძალის გამოყენების შემთხვევების გამო. ამ შემთხვევებთან დაკავშირებით, გამოძიებაა დაწყებული. გამოძიება სავალდებულოა იმისთვის, რომ უკრაინის მოქალაქეებმა გამოიყენონ საკუთარი კონსტიტუციური უფლებები და ჟურნალისტებმა უსაფრთხოდ შეძლონ საკუთარი საქმის გაკეთება, რაც დემოკრატიული საზოგადოების განვითარებისთვის ფუნდამენტურად მნიშვნელოვანია", - ნათქვამია განცხადებაში.
