დღეს ცნობილი ქართველი კინომსახიობის, სახალხო არტისტის სპარტაკ ბაღაშვილის დაბადების დღეა.
მსახიობი 1914 წლის 7 დეკემბერს თბილისში დაიბადა. იგი როგორც მსახიობი მიხეილ ჭიაურელმა აღმოაჩინა და მისი პირველი როლი ფილმ „არსენაში" თავად არსენას როლი იყო. შემდეგ ითამაშა ლუარსაბ მეფის როლი „გიორგი სააკაძეში", ხევისბერი გოჩა, მეწისქვილე ესტატე, გამზრდელი, ვაჟა-ფშაველა „აკაკის აკვანში".
1944 წელს სპარტაკ ბაღაშვილმა დაამთავრა თბილისის კინოსტუდიასთან არსებული სამსახიობო სკოლა. საბჭოთა კავშირის სახელმწიფო პრემიის ლაურეატი გახდა მისი პირველი როლისთვის და ორი შრომის წითელი დროშის ორდენით დაჯილდოვდა. ბაღაშვილი სპექტაკლებში არ მონაწილეობდა.
მსახიობი 1977 წლის 2 თებერვალს, 62 წლის ასაკში მძიმე ავადმყოფობის გამო გარდაიცვალა. 2014 წელს მისი დაბადებიდან 100 წელი სრულდება.
