უკრაინული მედიის ინფორმაციით, კიევში, ანტიმაიდნისა და ევრომაიდნის პარალელურად,  თავდაცვის სამინისტროს წინ რამდენიმეათასიანი მიტინგი მიმდინარეობს.

თავდაცვის სამინისტროს წინ შეკრებილები უწყების ხელმძღვანელობისგან მოითხოვენ, არ დაარღვიონ უკრაინის კანონმდებლობა, კერძოდ, არ გამოიყენონ სამხედროები პოლიტიკური მიზნებისთვის.

 
არსებული ინფორმაციით, თავდაცვის სამინისტრომ სამოქალაქო ფორმაში ჩაცმული სამხედროები პროსახელისუფლებო მიტინგზე გაიყვანა.

 
ამასთან, ამ დროისთვის ათასობით ადამიანია შეკრებილი დამოუკიდებლობის მოედანზე, სადაც სიტყვით გამოდიან ოპოზიციის ლიდერები, სხვადასხვა პარტიის წარმომადგენლები, პოლიტიკოსები, სტუდენტები, მომღერლები და სასულიერო პირები, რომლებმაც ლოცვები წაიკითხეს.