უკრაინის გენპროკურატურამ ევრომაიდანზე მომიტინგეების დარბევაში დამნაშავეები დაასახელა. მათი ინფორმაციით, ევრომაიდანზე მომიტინგეების ძალისმიერ დარბევაში დამნაშავეები არიან: უკრაინის უშიშროების საბჭოს მდივნის მოადგილე, ვლადიმერ სივკოვიჩი, კიევის ადმინისტრაციის უფროსი ალექსანდრე პოპოვი, კიევის მილიციის ორი ხელმძღვანელი, ვალერი კორიაკი და მისი მოადგილე პეტრე ფიოდორჩუკი.
მათ გადაეცათ უწყება ძალაუფლების გადამეტებაზე. გენპროკურორის განცხადებით, ოთხივე პირის მიმართ აღმკვეთი ღონისძიების სახით - შიდაპატიმრობის საკითხი განიხილება.
ინფორმაციის გავრცელებიდან მალევე, გენპრკურორის მოადგილემ ვიქრორ პშონკამ დაადასტურა, რომ იანუკოვიჩის განკარგულებით, პოპოვი და სივკოვიჩი განთავისუფლებული არიან დაკავებული თანამდებობიდან.
ვიქტორ იანუკოვიჩის მხარდამჭერთა განცხადებით, მათი აქცია მრავალდღიანი იქნება.
