ევროკავშირი უკრაინის მთავრობასთან ასოცირების ხელშეკრულებაზე მუშაობას აჩერებს. უცხოური მედიის ცნობით, ამის შესახებ ევროკომისარმა გაფართოებისა და ევროპული სამეზობლო პოლიტიკის საკითხებში შტეფან ფულემ  სოციალურ ქსელ "ტვიტერზე" დაწერა.

"ევროკავშირმა შეაჩერა მუშაობა უკრაინასთან ასოცირების ხელშეკრულებაზე. უკრაინის ხელისუფლების სიტყვები და ქმედებები ასოცირების შეთანხმებაზე უფრო და უფრო ღრმად განსხვავდება. მათ არგუმენტებს რეალობასთან არავითარი კავშირი არ აქვს", -წერს შტეფან ფულე "ტვიტერზე".

მაიდანზე  კი ამ დრომდე ხალხმრავლობაა. აქციის ორგანიზატორები დღეს კიევის ცენტრალურ მოედანზე მილიონი ადამიანის მისვლას ელოდებიან. ევრომაიდანზე ამერიკელი სენატორები პირებენ მისვლას, რომლებიც უკლრაინელი ხალხის ხარდასაჭერად კიევში ჩავიდნენ.