კიევში, ევრომაიდანზე მიმდინარე აქციაზე ამერიკის შეერთებული შტატების სენატორი ჯონ მაკკეინი სიტყვით გამოვიდა. მაკკეინმა მომიტინგეებს მხარდაჭერა გამოუცხადა.

"ჩვენ აქ იმისათვის ვართ, რომ მხარი დავუჭიროთ თქვენს სამართალიან საქმეს, თქვენს უფლებას, გადაწყვიტოთ თქვენი ბედი მშვიდობიანი და დემოკრატიული გზით. თქვენი მომავალი გაერთიანებულ ევროპაშია. უკრაინა გახდის ევროპას უკეთესს, ისევე, როგორც ევროპა გახდის უკრაინას უკეთესს. ამერიკა თქვენთან არის ",- მიმართა მაკკეინმა აქციის მონაწილეებს.

ამერიკელი სენატორები უკვე შეხვდნენ ხელისუფლების და ოპოზიციის წარმომადგენლებს.