გაზეთი „საქართველოს რესპუბლიკა" აქვეყნებს სტატიას სათაურით - „პოლიტიკიდან ბიზნესში და პირიქით". სტატიაში საუბარია არასამთავრობო ორგანიზაცია „საერთაშორისო გამჭრივალობა - საქართველოს" მიერ გამოვლენილ შემთხვევებზე, სადაც ასახულია ფაქტები, „თუ როგორ ირღვეოდა კანონი „ნაცების" პარპაშის დროს ინტერესთა კონფლიქტის შესახებ, რასაც რეაგირება არასოდეს მოჰყოლია".
როგორც სტატიის ავტორი ზაზა ბილიხოძე წერს, სააკაშვილი ყოველმხრივ ცდილობდა პარლამენტი მონურ მორჩილებაში ჰყოლოდა.
„საერთაშორისო გამჭირვალობა - საქართველოს" ყოველივე ზემოთთქმულის კლასიკურ მაგალითად მოჰყავს თავდაცვის ექს-მინისტრის, ამჟამად საფრანგეთში პატიმრობაში მყოფი და საქართველოს სამართალდამცავების მიერ წითელი ცირკულარით ძებნილი, დავით კეზერაშვილი. იგი ჩინოვნიკობამდე „ცალ-ცალი კალოშით" მოვიდა, საჯარო სამსახურიდან წამოსვლიდან რამდენიმე დღეში კი უცებ მსხვილ ბიზნესმენად მოგვევლინა", - წერს ავტორი.
