ზაზა ბილიხოძე გაზეთში „საქართველოს რესპუბლიკა" სტატიას აქვეყნებს და ორგანიზაცია „საერთაშორისო გამჭვრივალობა - საქართველოს" მიერ გამოვლენილ შემთხვევებზე საუბრობს.

როგორც სტატიის ავტორი წერს, მიხეილ სააკაშვილი ყოველმხრივ ცდილობდა პარლამენტი მონურ მორჩილებაში ჰყოლოდა. ის ამისათვის ათასგვარ მეთოდებს იყენებდა. ერთ-ერთი იყო ყოველგვარი კონტროლის მოშლა და პირიქით, ხელშეწყობაც კი ხალხის რჩეულთა ბიზნესსაქმიანობაზე.

„მონიტორინგის ჯგუფის მოწოდებული ინფორმაციით, ბიზნესთან უბირად არც საქართველოს ყოფილი პრემიერები იყვნენ. „მბრუნავი კარის" მთოდით, 8 პრემიერიდან (2004 წლიდან) 5 ხელისუფლებაში ან ბიზნესიდან მოვიდა, ან გადადგომის შემდგომ წავიდა ბიზნესში (იყო ორივე საქმიანობის შეთავსების შემთვევებიც) მაგალითად, ზურაბ ნოღაიდელი „მბრუნავი კარით" მოძრაობდა მთავრობასა და კერძო სექტორს შორის. 2005 წლამდე, ვიდრე პრემიერი გახდებოდა, ნოღაიდელი ექვსი სხვადასხვა კომპანიის სამეთვალყურეო საბჭოს თავმჯდომარე იყო, მაგრამ ქონებრივ დეკლარაციაში არცერთი არ ჰქონდა მითითებული. იკვეთება ისიც, რომ ბევრმა თანამდებობის პირმა მთავრობიდან წასვლის შემდეგ სწრაფ წარმატებებს მიაღწია ბიზნესში საეჭვოდ მოკლე დროში და ერთი შეხედვით მწირი შემოსავლების მქონემ. მათ უცებ უფორმებდნენ გამარჯვებებს „ღია ტენდერებში". სახელმწიფო მათ დაარსებულ ფირმებთან ყოველგვარი წინა მოლაპარაკებების გარეშე უფორმებდა ქვეყნისთვის წამგებიან, ბიზნესმენისათვის მომგებიან კონტრაქტებს. მთავრობიდან გამოსულები უცბად ახერხებდნენ ლიცენზიებიების მოპოვებას, სარგებლობდნენ მთელ რიგ საკითხებში ექსკლუზიური უფლებებითა და საგადასახადო შეღავათებით",- წერს გაზეთი.