სააგენტო "როიტერის" გავრცელებული ინფორმაციით, ერაყის დედაქალაქ ბაღდადთან და მის მიმდებარე ტერიტორიაზე მომხდარი 17 აფეთქების შედეგად  55 ადამიანი დაიღუპა.გამოცემის ინფორმაციით, აფეთქებების შედეგად 100-ზე მეტი ადამიანი დაშავდა. ადგილობრივი ხელისუფლების განცხადებით, დანაღმული ავტომანქანები შიიტებით დასახლებულ რაიონებში აფეთქდა. ბაღდადის გარდა, ტერორისტული აფეთქებები ერთბაშად რამდენიმე ქალაქში მოხდა. "როიტერის" ინფორმაციით, ერაყში წელს თითქმის 4 ათასი ადამიანი დაიღუპა, აქედან 810 ივლისში.