ორგანიზაცია „Plus One Fetsival"-ი  და  „FreshFish Records"-ი,  ქალთა ფონდის მხარდაჭერით აწყობს როკ მუსიკის ფესტივალს. ღონისძიება ქალთა მიმართ ძალადობის წინააღმდეგ მიმართული 16-დღიანი კამპანიის ფარგლებში იმართება.

ღონისძიების ფარგლებში, თბილისის მუსიკალურ ცენტრში, დაუკრავენ ქართული მუსიკალური ჯგუფები P.I.Light, Industrial City, Scratch the floor და Tanelorn.

ღონისძიების მიზანია სოლიდარობა გამოხატოს გენდერული დისკრიმინაციის მსხვერპლი ქალების მიმართ და წვლილი შეიტანოს ქალთა მიმართ ძალადობის წინააღმდეგ ბრძოლაში.

აღნიშნული ფესტივალი საქართველოში მესამედ ტარდება. 2013 წლის ივნისში, Open Air Plus One-ის  ფარგლებში ფესტივალმა უცხოურ ჯგუფებსაც უმასპინძლა.