25 დეკემბერს  19:00 სთ-ზე  სარაჯიშვილის სახელობის თბილისის სახელმწიფო კონსერვატორიის დიდ დარბაზში ფესტივალ „საახალწლო მუსიკალური შეხვედრების" მეხუთე  ღონისძიება - საორგანო მუსიკის კონცერტი გაიმართება.

მსმენელის წინაშე თბილისში დაბადებული და ამჟამად რუსეთში მოღვაწე ორგანისტი გარი ეპრიკიანი წარსდგება. პროგრამაშია: ბუქსტეხუდე, ბახი, მენდელსონი, კუშნარევი, სტროგანოვი, აივზი.

გარი ეპრიკიანი რუსეთის და საერთაშორისო ფესტივალების მუდმივი მონაწილეა, სადაც გამოდის როგორც სოლო პროგრამით, ასევე ანსამბლებში.

ფესტივალი „საახალწლო მუსიკალური შეხვედრები" 1997 წელს დაარსდა. იგი ყოველწლიურად იმართება დეკემბრის მეორე ნახევარში და ორი კვირა გრძელდება.