მწერალთა სახლში წიგნის „იყავი ჩემი სტუმარი" პრეზენტაცია გაიმართა. წიგნი მაღალ პოლიგრაფიულ დონეზეა შესრულებული, მისი ავტორები ლონდონში მცხოვრები ქართველი ბანკირი დავით გიგაური და პარიზში მცხოვრები ანა სალდაძე არიან, რომლებმაც მიზნად დაისახეს საქართველოს წარმოჩენა ცნობილი ადამიანების სამზარეულო რეცეპტებით.
წიგნში წარმოდგენილია საყოველთაოდ ცნობილი ქართველების სალომე ანდრონიკაშვილის, პეტრე ბაგრატიონის, ჯორჯ ბალანჩინის, ალექსი მდივნის, გიორგი პაპაშვილის, თამარ თუმანიშვილის, პრინც ნიკოლას თუმანიშვილის ცხოვრების ეპიზოდები და მათი დამოკიდებულება სტუმართმოყვარეობისა და ზოგადად, დღესასწაულის კულტურის მიმართ.
წიგნიდან ბევრ საინტერესო სიახლეს შეიტყობს მკითხველი. უცხოელთა თვალში კი საქართველო წარსდგება როგორც უძველესი კულტურის ქვეყანა, სადაც ღვინისა და სამზარეულოს მრავალათასწლოვანი ტრადიცია არსებობს.
წიგნი ზაალ სულაკაურის გამომცემლობამ მიერ დაიბეჭდა. მისი პრეზენტაცია 10 დეკემბერს უკვე გაიმართა ლონდონში, ცნობილ White Cube გალერიაში.
