როგორი იყო გასული წელი ქართულ კულტურასა და შოუბიზნესში, ვინ იყო 2013 წელს ყველაზე სკანდალური, ყველაზე სექსუალური, ყველაზე ლამაზი, „კვირის პალიტრამ" ამ თემაზე რეიტინგი გამოაქვეყნა, რომელშიც ნომინაციაში წლის „საოცარი" ჩაცმულობა კულტურის მინისტრის პირველმა მოადგილემ, მარინე მიზანდარმა გაიმარჯვა. „ამ ნომინაციაში კულტურის მინისტრის პირველ მოადგილეს, მარინე მიზანდარს კონკურენტი არ ჰყავს. ის მიღებებსა თუ ბრიფინგებზე უცნაურად ჩაცმული ჩნდება. მიზანდარის ერთობ ორიგინალურმა სტილმა ექსცენტრიკული ჩაცმულობით გამორჩეული ნანუკა ჟორჟოლიანიც კი გააოცა", - წერს გამოცემა.