„ტვ 3“-მა გაავრცელა შემდეგი სახის გაცხადება: „ბოლო დღეების განმავლობაში, ტელეკომპანია „ტვ 3“-ის დისკრედიტაციას მიზანმიმართულად ცდილობენ რიგი პოლიტიკოსები. პირველი განცხადება ტელევიზიის წინააღმდეგ გააკეთა დედაქალაქის მერმა გიგი უგულავამ, რომელმაც მისთვის მერობის უფლებამოსილების შეჩერებამდე განაცხადა, რომ ტელეკომპანიის დამფუძნებელი ლაშა ჩხენკელი დაინტერესებული იყო მის წინააღმდეგ ე. წ. მართული პროცესებით.

პირველი განცხადების შემდეგ ტელეკომპანიამ და მისმა დამფუძნებლებმა არ ჩათვალეს საჭიროდ, პასუხი გაეცათ დედაქალაქის მერის აბსურდული ბრალდებისთვის, თუმცა მას შემდეგ, რაც „ტვ 3“-ის წინააღმდეგ კამპანიამ „ნაციონალური მოძრაობის“ მხრიდან მიიღო მართული ხასიათი, ტელევიზია თავს ვალდებულად თვლის განაცხადოს, რომ ყოფილი ხელისუფლების წარმომადგენლების მხრიდან ტელევიზიის მიმართ უკვე რამდენიმე თვეა ადგილი  აქვს შანტაჟსა და მუქარას! დაინტერესების შემთხვევაში, ტელეკომპანია „ტვ 3“ გამოთქვამს მზადყოფნას, სამართალდამცავი ორგანოების წარმომადგენლებს მიაწოდოს ამის დამადასტურებელი ფაქტები და მკტიცებულებები“. 

„რეპორტიორი“ სოლიდარობას უცხადებს კოლეგებს „ტვ 3“-იდან, გმობს ნებისმიერი სახის ძალადობას, განხორციელებულს მედიის წარმომადგენლების მიმართ და მოითხოვს სახელმწიფო სტრუქტურებისგან კანონის შესაბამის რეაგირებას!