დღეს, 18:30 საათზე, მწერალთა სახლში საქართველოს პარლამენტის ეროვნული ბიბლიოთეკა ჟურნალ „მნათობის“  სრული კოლექციის ციფრული ვერსიის პრეზენტაციას გამართავს.

ჟურნალი „მნათობი“ 1924 წელს დაარსდა. მასში იბეჭდებოდა ქართული საბჭოთა მწერლობის თითქმის ყველა ნაწარმოები. „მნათობი“ წარმოადგენდა მაშინდელი მწერლობის სახეს.  იგი სისტემატურად აშუქებდა ასევე  საქართველოს სამეურნეო-პოლიტიკური და სამეცნიერო ცხოვრების საკითხებსაც. მან არაერთი ახალგაზრდა შემოქმედი გამოავლინა.